Notariat de BREUILLET, BREUX et SAINT-YON. - Minutes notariales passées devant maître François LECONTE (8 et 20 septembre 1598) [liasse, 2 pièces, papier ; Élection d'un messier. Aujourd'hui, huictiesme de septembre, jour et feste de Nativité Nostre Dame mil cinq cens quatre-vingt-dix-huit, à yssue de messe de paroisse, devant la porte de l'église de St-Yon, ont comparu, par devant moy, Jehan Cabué, commis du tabellion du dit Sainct-Yon, Denis Le Dourt, Vincent Cabué, Marin Rotier, Louis Le Dourt, Pierre Badin, Jean Vaillant, Nicolas Prévost, Innocent Séray, Abel Delacroix, Laurent Hényn, Philippe Aulmont, tous habitans dudit Sainct Yon, et la plus grande et saine partie d'yceulx habitans, affin d'élire l'un d'entre eulx ung messier et gardien des vignes et aultres fruictz pendants par les rasinnes assis au terroir dudit Sainct-Yon ; tous les quelz, d'une mesme voix, ont eslu et, par ces présentes, eslisent Nicollas Drouet, aussy habitant dudit St-Yon, présent, ce acceptant, à la charge de bien et deuement faire le debvoir de garder lesdites vignes et aultres fruictz..... lesditz susnommez luy ont donné et donnent tous pouvoir et puissance de ce ; à la charge aussy que lesditz habitans luy ont promis et seront tenus luy en payer quatre solz tournois pour chacun arpent desdites vignes. Faict comme dessus, ès présences l'un de l'autre. P. Aulmont, L. Le Dourt, J. Cabué. Bail de 4 arpents de terre, en la paroisse de Saint-Yon, fait, moyennant 1 minot par arpent, mesure de Châtres, de loyer annuel, à Nicolas Prévost, laboureur à Saint-Yon, par Andrée Fouquin, veuve de Jean Poupert, demeurant à Jouy.